الخميس، أكتوبر ٢٦، ٢٠٠٦

حدوتة مصرى لسه متجوز جديد

بعد فاصل طووووووووووووووويل امتد لحوالى شهر ونصف
نووووووواصل
حدوتة مصررررررررررررررررية

الاحساس المرة دى مختلف عن أخر احاسيس متابينة كتبتها من حواى شهرين

المرة دى بعد مرور حوالى 40 يوم على جوازى يعنى تقريبا ربعنت زى مابيقولوا..... حاسس براحة نفسية وثقة بالنفس وطمأنينة بشكل كبير ... الحمد لله على كل شيىء....
حتى الآن الجواز حاجة جميلة وربنا أكرمنى بإنسانة رائعة .... ويمكن اللى حصل من حوالى 3 أيام أكد لى الكلام ده

أنا حصلى مشكلة كبيرة فى الشغل اخر يوم شغل فى رمضان قبل اجازة العيد .. وكنت راجع البيت منهار نفسيا وحاسس انى مش حاقدر اكمل فى الشعل ده تانى بعد العيد وكنت واخد فى قرارة نفسى قرار بالاستقالة .... لكن ....
لما قعدت اتكلم مع زوجتى الغالية وفتحت قلبى واتكلمنا فى الموضوع ده والموضوع جر موضوع فى كلمة فى حدوتة فى استشارة فى وضع رؤية مستقبلية فى وضع خطة غيرى فكرى تماما واخدت قرار انى اكمل واتحدى نفسى واحاول استعيد ثقة الاخرين فياااااا وخصوصا مديرى فى العمل وربنا يقدرنا

ربنا يخليكى لياااااااا يازوجتى الغالية ويقدرنى واسعدك

فااااااااااااااااااااصل وأأأأأأأأأأأواصل



هناك ١٠ تعليقات:

كراكيب نـهـى مـحمود يقول...

حدوتة أنت - حتى في توترك ولخبطتك
ربنا يديم عليك الهنا والسعاده
زوجتك فعلا انسانة رائعه مش بس علشان هيه زوجة اخ غالي عندي لكن لانها قادرة تحتويك وتقوي مواطن القلق عندك
اجمد كده انا عارفاك حد قوي قادر يخترع الاحلام ويحققها مش كده ولا ايه

شيمـــــاء يقول...

لكل جميل فى الدنيا نص تانى جميل زيه
ودى حدوتك انت والعروسة
انتم الاتنين
حدوتة مصرية مكتملة
ربنا يسعدكم يا رب

حدوته مصرية يقول...

مبروك على الجواز و انت تالت حدوتة مصرية اشوفها فى المدونات (انا واحد منهم بس انا قبلك بقى) ينفع كده؟؟

على العموم كل واحد ليه حدوتهه برضه و كلنا مصريين

و مبروك مرة تانية يا باشا

Amany يقول...

ربنا يكرمك ويضفى عليك السعادة والهنا واتمنى لك دوام الصحة والعافية

shabfa2re يقول...

ربنا يسعدكم يا جميل
متجوز طب يلا نحقد عليه
نياعاعاعاعاعاعا

D:

Rosa يقول...

طبعاً يعني مش محتاجة أقول ان زوجتك حد جميييييييييييل قوي ربنا يكرمكم يا رب و يكتب لكم الهنا و السعادة و يخليكم لبعض و يديم المودة بينكم.

شفت بقى يا فيفا طلع الجواز حلو كفاية انك تلاقي حد تقسم معاه الفرح و الحزن حد يبقى جنبك في كل مناسبة و في كل وقت
حد يحب الكوارع و الممبار زيم و لا اييييييييييييه؟؟؟؟؟؟؟

مفتقداك جداً شد حيلك و اجمد و يا رب دايماً نسمع عنك و عن زوجتك كل خير اللهم آمين.

فيروز

arabesq يقول...

أوعى الفاصل يطول و تربعن مرة تانية


أأقصد تتجوز مرة تانية

شيمـــــاء يقول...

الفاصل طول اوى اوى يا ولد

عمرو إبراهيم يقول...

مبروك يا حدوتة
ولو انها متأخرة
بس أنا لسة شايف البوست النهاردة!

تحياتي ليك وللعائلة

شيمـــــاء يقول...

مبروك يا ابو حازم :)